The Lord of the Rings, seriali më i shtrenjtë i të gjitha kohërave!

Amazon ka shpenzuar 250 milionë dollarë vetëm për të marrë të drejtën mbi “Lord of the Rings”. Seriali do të ketë 5 sezone, frymëzuar nga librat origjinalë të Tolkien. Sipas “Reuters”, “Amazon” ka propozuar një buxhet prej 500 milionë dollarësh për dy sezonet. Sezoni i parë është parashikuar të transmetohet mes vitit 2020 dhe 2021. Janë arritur shumë akorde dhe tani duhen respektuar vetëm afatet. Seriali do të ambientohet në Erën e Dytë të Ardas.

Prodhimi i serialit është nga “Amazon” në bashkëpunim me “New Line Cinema”, “HarperCollins” dhe “Tolkien Estate and Trust” dhe flitet për një shpenzim të mundshëm që mund të arrijë deri në 1 miliard dollarë dhe kështu ky mund të bëhet seriali më i shtrenjtë i të gjitha kohërave.

Seriali “Lord of the Rings” dë të risjell personazhe të dashur. Me shpresën se seriali televiziv “Lord of the Rings” mund të arkëtojë ashtu si trilogjia me të njëjtin titull i Peter Jackson, “Amazon” po shpenzon shumë për të risjellë botën e J.R.R. Tolkien. Që nga njoftimi i serialit, shumë fansa kanë menduar se kur dhe ku do të realizohen seritë e tij dhe kush do të jetë pjesë. Shefi i “Amazon Studios” Jennifer Salke foli për këtë projekt të shumëpritur, por duke mos zbuluar shumë detaje. “Nuk do të ribëjmë filmin, por gjithashtu nuk po fillojmë nga zeroja. Pra, do të jenë personazhet që doni”, theksoi Salke. Të shkruar mes viteve 1937 e 1949, “Lord of the Rings” janë ndër romanet më të shitur të të gjitha kohërave, gjë që mund të jetë një shtysë e madhe për të tërhequr spektatorët në shërbimin streaming të “Amazon”. Edhe pse saga epike është përshtatur disa herë në radio dhe dy herë në kinema, seriali është i pari që e sjell historinë e Tolkien në televizion.